ഇന്ത്യൻ ഫുട്ബോൾ കലണ്ടർ ഒരു അവലോകനം

ഇന്ത്യയിലെ ഡൊമസ്റ്റിക് ഫുട്ബോൾ സീസൺ അടുത്ത മാസം 16 ന് ആരംഭിക്കും. ഡ്യുറണ്ട് കപ്പോടെയാണ് സീസൺ ആരംഭിക്കുക. ഡ്യുറണ്ട് കപ്പിലെ ആദ്യ മത്സരത്തിൽ ഈസ്റ്റ്‌ ബംഗാൾ എ റ്റി കെ മോഹൻ ബഗാനെ നേരിടും. സാൾട്ട് ലയിക് സ്റ്റേഡിയത്തിൽ വെച്ചായിരിക്കും കൊൽക്കത്ത ഡെർബി മത്സരം നടക്കുക.

2022-23 സീസൺ കഴിഞ്ഞുപോയ സീസണിനേക്കാൾ ദൈർഘ്യം ഏറിയതായിരിക്കും.ഡ്യുറണ്ട് കപ്പിന് അവസാനിച്ചാൽ ഉടനെ തന്നെ ഇന്ത്യൻ സൂപ്പർ ലീഗ് ആരംഭിക്കും.2022-23 സീസൺ ഏപ്രിൽ 1 മുതൽ മെയ്‌ 14 വരെ നടക്കുന്ന സൂപ്പർ കപ്പോടുകൂടി അവസാനിക്കും. സൂപ്പർ കപ്പിൽ 9 ഐ ലീഗ് ടീമും 11 ഐ എസ് എൽ ടീമുമായിരിക്കും മത്സരിക്കുക.

അവസാന സീസണിനേക്കാൾ വളരെ മികച്ച മാറ്റങ്ങളാണ് ഈ സീസണിൽ ഇന്ത്യൻ ഫുട്ബോൾ ആരാധകരെ കാത്തിരിക്കുന്നത്.2022-23 സീസണിൽ 2021-22 സീസണെ അപേക്ഷിച്ചു വളരെ കൂടുതൽ മത്സരങ്ങൾ ഓരോ കളിക്കാരും കളിക്കേണ്ടി വരും.ഏഷ്യൻ ഫുട്ബോൾ കോൺഫഡറേഷന്റെ ചട്ടങ്ങൾ അനുസരിച്ച് ഏഷ്യൻ ചാമ്പ്യൻസ് ലീഗിലേക്ക് ഐ എസ് എൽ ക്ലബ്ബ്‌ യോഗ്യത നേടണമെങ്കിൽ ഏറ്റവും കുറഞ്ഞത് 27 മത്സരമെങ്കിലും പുതിയ സീസണിൽ കളിക്കേണ്ടി വരും.

2022-23 സീസണെ അപേക്ഷിച്ചു വളരെ നിർണായകമായ മാറ്റമാണ് ഓൾ ഇന്ത്യ ഫുട്ബോൾ ഫെഡറേഷൻ ഇന്ത്യൻ ഡോമസ്റ്റിക് ഫുട്ബോളിന് നൽകിയിരിക്കുന്നത്. ഈ മാറ്റം ഇന്ത്യൻ ഫുട്ബോൾ സംസ്കാരത്തെ തന്നെ മാറ്റി മറിക്കാൻ സാധ്യതയുള്ള മാറ്റത്തിന്റെ ചെറു കാറ്റാണ്.

ഡ്യുറണ്ട് കപ്പ്

ഡ്യൂറൻഡ് കപ്പിലെ ആദ്യ മത്സരം കൊൽക്കത്താ ഡെർബിയോടുകൂടി ആരംഭിക്കും.ഈസ്റ്റ്‌ ബംഗാൾ എ റ്റി കെ മോഹൻ ബഗാനെ നേരിടുന്ന ഡെർബി കൊൽക്കത്തയിലെ യുവ ഭാരതി കൃരംഗംൻ  സ്റ്റേഡിയത്തിൽ (സാൾട്ട് ലയിക്)  വെച്ചായിരിക്കും നടക്കുക.

സാൾട്ട് ലേക്ക് സ്റ്റേഡിയത്തിന് പുറമേ, കൊൽക്കത്തയിലെ കിഷോർ ഭാരതി ക്രിരംഗൻ, പശ്ചിമ ബംഗാളിലെ നോർത്ത് 24-പർഗാനാസ് ജില്ലയിലെ നൈഹാത്തി സ്റ്റേഡിയം, ഗുവാഹത്തിയിലെ ഇന്ദിരാഗാന്ധി അത്‌ലറ്റിക് സ്റ്റേഡിയം, ഇംഫാലിലെ ഖുമാൻ ലമ്പക് സ്റ്റേഡിയം എന്നിവയും ഡ്യുറണ്ട് കല്ലിന്റെ 131-ാം പതിപ്പിന് ആതിഥേയത്വം വഹിക്കും.

ഇന്ത്യൻ സൂപ്പർ ലീഗ് (2022-23)

ഗ്രൂപ്പ് ഘട്ടങ്ങൾ ഓഗസ്റ്റ് 16 നും സെപ്റ്റംബർ 5 നും ഇടയിൽ നടക്കും. എന്നാൽ നോക്കൗട്ട് ഘട്ടങ്ങൾക്കുള്ള തീയതികൾ ഇനിയും അന്തിമമായിട്ടില്ല.ടീമുകൾ ഹോം, എവേ മത്സരങ്ങൾ കളിക്കുന്ന നേരത്തെയുള്ള റൗണ്ട് റോബിൻ ഫോർമാറ്റിലേക്ക് ഐ‌എസ്‌എൽ തിരിച്ചു വരുന്നതാണ് ഈ സീസണിലെ ഏറ്റവും വലിയ മാറ്റം. പാൻഡെമിക് കാരണം രണ്ട് സീസണുകളായി, ഗോവയിലെ സുരക്ഷിതമായ ബയോ ബബിളിനുള്ളിലാണ് ലീഗ് നടന്നത്. ഏറ്റവും കൂടുതൽ പോയിന്റ് നേടുന്ന ടീം ലീഗ് വിന്നേഴ്സ് ഷീൽഡ് നേടും.