കേരളബ്ലാസ്റ്റേഴ്‌സ് മുംബൈ സിറ്റി എഫ് സി ജീവൻ മരണ പോരാട്ടം നാളെ...

ഇന്ത്യൻ സൂപ്പർ ലീഗിലേ നിർണായക മത്സരത്തിൽ കേരള ബ്ലാസ്റ്റേഴ്‌സ് മുംബൈ സിറ്റി എഫ് സി യെ നേരിടും.ഗോവയിലെ തിലക് മൈതാനിയിൽ നാളെ നടക്കുന്ന മത്സരം ഇന്ത്യൻ സമയം രാത്രി 7:30 നു ആരംഭിക്കും.

ജംഷഡ്പൂർ എഫ്‌സി, എടികെ മോഹൻ ബഗാൻ, കേരള ബ്ലാസ്റ്റേഴ്‌സ്, മുംബൈ സിറ്റി എഫ്‌സി എന്നീ ടീമുകളിൽ ഏതെങ്കിലും ഒരു ടീം ഈ സീസണിൽ പ്ലേ ഓഫ് കാണാതെ പുറത്തു പോകും. പുറത്തുപോകുന്ന ടീമിന് പുറത്താകുന്നത് വളരെയതികം വേദനജനകമാകുമെങ്കിലും ബാക്കി പ്ലേ ഓഫിലേക്ക് യോഗ്യതനേടുന്ന ടീമികുൾക്ക് ഈ സീസൺ വിജയകരമാണെന്ന്‌ വിശേഷിപ്പിക്കാവുന്നതാണ് .ജംഷഡ്പൂരും എടികെമോഹൻ ബഗാനും യോഗ്യത നേടുന്നതിന് ഒരു പോയിന്റ് മാത്രം മതി, അതിനർത്ഥം മാർച്ച് 2 ന് കേരള ബ്ലാസ്റ്റേഴ്‌സും മുംബൈ സിറ്റി എഫ് സി മത്സരഫലം നാലാമത്തെ ടീമിനെയും നിർണയിക്കാനാണ്‌ സാധ്യത.

ചെന്നൈയ്‌നെതിരെ ബ്ലാസ്റ്റേഴ്‌സ് മികച്ചകളിയാണ് കാഴ്ചവെച്ചത് , പക്ഷേ ഹൈദരാബാദിനെതിരെ മൂർച്ചയുള്ള കളി കളിച്ചെങ്കിലും നിർഭാഗ്യവശാൽ മത്സരഫലം കേരള ബ്ലാസ്റ്റേഴ്സിന് എതിരായിരുന്നു, അതേസമയം എഫ്‌സി ഗോവയെ 2-0 മാർജിനിൽ പരാജയപ്പെടുത്താൻ മുംബൈക്ക് കഴിഞ്ഞിരുന്നു .എന്നാൽ ഈ രണ്ട് ടീമുകളും കഴിഞ്ഞ തവണ ഏറ്റുമുട്ടിയപ്പോൾ, കേരളം 3-0 ന് വിജയിച്ചു.ആ പരാജയത്തോടു കൂടി മുംബൈയുടെ തകർച്ച ആരംഭിക്കുകയായിരുന്നു.മികച്ച ഫോമിൽ കളിച്ചിരുന്ന മുംബൈ ആ തോൽവിയോടുകൂടി പിന്നീട് വന്ന 6 കളികളിൽ അവർക്ക് ജയിക്കാനെ സാധിച്ചില്ല.നിലവിലെ സാഹചര്യത്തിൽ അവസാനം കളിച്ച 5 മത്സരങ്ങളിൽ നാലെണ്ണത്തിലും വിജയിച്ച ആത്മവിശ്വാസത്തിൽ മുംബൈ ഇറങ്ങുമ്പോൾ,കേരളത്തിനാകട്ടെ അവസാന 5മത്സരങ്ങളിൽ 2 എണ്ണത്തിൽ മാത്രമേ ജയിക്കാൻ സാധിച്ചിരുന്നൊള്ളു.അവസാനകളികളിലെ പ്രകടനം കണക്കിലെടുത്താൽ മുംബൈക്കാണ്‌ നാളത്തെ മത്സരത്തിൽ നേരിയ മുൻ‌തൂക്കം.

നാളെ മുംബൈ കേരളത്തിനോട് പ്രതികാരം ചെയ്താലും,കേരളം മുംബൈയെ തോൽപ്പിച്ചു ഐ എസ് എൽ ൽ നിന്നും മുംബൈ സിറ്റിയുടെ പുറത്തേക്കുള്ള വാതിൽ തുറന്നാലും ഫുട്ബോൾ പ്രേമികൾക്ക് സമ്മാനിക്കുന്നത് ഏറ്റവും മികച്ച ഒരു ഐ എസ് എൽ സീസണിലെ ഏറ്റവും മികച്ച ഒരു മത്സരമായിരിക്കും എന്നുള്ളതിന് ഒരു സംശയവും വേണ്ട.