ഏഷ്യൻ മണ്ണിൽ മൂന്ന് സെഞ്ച്വറികൾ! ചരിത്രം രചിച്ച് സൗത്ത് ആഫ്രിക്ക

ബംഗ്ലാദേശിനെതിരെയുള്ള ടെസ്റ്റ് മത്സരത്തിൽ സൗത്ത് ആഫ്രിക്ക ആദ്യ ഇന്നിംഗ്സിൽ മികച്ച സ്കോർ നേടി. ആദ്യം ബാറ്റ് ചെയ്ത സൗത്താഫ്രിക്ക ആറു വിക്കറ്റ് നഷ്ടത്തിൽ 576 റൺസ് എന്ന റൺസിൽ ഡിക്ലയർ ചെയ്യുകയായിരുന്നു. 

 സൗത്ത് ആഫ്രിക്കയ്ക്കായി മൂന്ന് സെഞ്ചുറികളാണ് പിറന്നത്. ടോണീ ടെ സോർസി 269 പന്തിൽ 177 റൺസ് നേടി തിളങ്ങി. 12 ഫോറുകളും നാല് സിക്സറുകളും അടങ്ങുന്നതായിരുന്നു താരത്തിന്റെ ഇന്നിംഗ്സ്. ട്രിസ്റ്റൻ സ്റ്റപ്സ് 198 പന്തിൽ 106 റൺസും നേടി. ആറ് ഫോറുകളും മൂന്ന് സിക്സുമാണ്‌ ട്രിസ്റ്റൻ നേടിയത്. 

മൾഡർ 150 പന്തിൽ 105 റൺസും നേടി. 8 ഫോറുകളും നാല് സിക്സുകളും ആണ് താരം അടിച്ചെടുത്തത്. 

 ഇതോടെ ഏഷ്യൻ മണ്ണിൽ ഇതാദ്യമായാണ് സൗത്താഫ്രിക്ക ഒരു ടെസ്റ്റ് മത്സരത്തിന്റെ ഇൻസിൽ മൂന്ന് സെഞ്ച്വറികൾ നേടുന്നത്. 

 ബംഗ്ലാദേശ് ബൗളിങ്ങിൽ തൈജുൽ ഇസ്ലാം 5 വിക്കറ്റുകൾ നേടി തകർപ്പൻ പ്രകടനമാണ് നടത്തിയത്.