ഫോം തുടർന്ന് വാർണർ, ഒപ്പം മറ്റു ബി ബി എൽ വിശേഷങ്ങൾ..
ഫോം തുടർന്ന് വാർണർ, ഒപ്പം മറ്റു ബി ബി എൽ വിശേഷങ്ങൾ..
Mathan
ഫോം തുടർന്ന് വാർണർ, ഒപ്പം മറ്റു ബി ബി എൽ വിശേഷങ്ങൾ..
ബിഗ് ബാഷ് ലീഗിൽ ഇന്ന് രണ്ട് മത്സരങ്ങളാണ് ഉണ്ടായിരുന്നത്. ആദ്യത്തെ മത്സരം സിഡ്നി സിക്സഴ്‌സും ബ്രിസ്ബേയ്ൻ ഹീറ്റും തമ്മിലായിരുന്നു.ഒരൊറ്റ പന്ത് പോലും എറിയാതെ ഈ മത്സരം ഉപേക്ഷിച്ചു.
രണ്ടാം മത്സരം പെർത് സ്കോർചേർസ് സിഡ്നി തണ്ടഴ്‌സും തമ്മിലായിരുന്നു.തണ്ടഴ്‌സും മത്സരം നാല് വിക്കറ്റിന് വിജയിച്ചു.
ടോസ് നേടിയ തണ്ടഴ്‌സ് നായകൻ വാർണർ ബൗളിംഗ് തിരഞ്ഞെടുത്തു.സ്കോർചേർസ് 20 ഓവറിൽ 4 വിക്കറ്റ് നഷ്ടത്തിൽ 177 റൺസ് സ്വന്തമാക്കി.31 പന്തിൽ 68 റൺസ് നേടിയ ഫിൻ അല്ലനായിരുന്നു ഇന്നിങ്സ് ടോപ് സ്കോറർ.ക്രിസ് ഗ്രീൻ തണ്ടഴ്‌സിന് വേണ്ടി മൂന്നു വിക്കറ്റ് സ്വന്തമാക്കി.
മറുപടി ബാറ്റിങ്ങിന് ഇറങ്ങിയ തണ്ടഴ്‌സ് മത്സരത്തിന്റെ അവസാന പന്തിൽ വിജയം സ്വന്തമാക്കി.39 പന്തിൽ 49 റൺസ് നേടിയ നായകൻ വാർണറാണ് ഇന്നിങ്സ് ടോപ് സ്കോറർ.ഗിൽക്കസ് 36 പന്തിൽ 43 റൺസ് സ്വന്തമാക്കി വാർണറിന് മികച്ച പിന്തുണ നൽകി.19 പന്തിൽ 39 റൺസ് നേടിയ രുതർഫോഡ് അവസാന ഓവറുകളിൽ അടിച്ചു തകർത്തത് നിർണായകമായി.സ്കോർചേർസിന് വേണ്ടി ലാൻസസ് മൊറിസ് മൂന്നു വിക്കറ്റ് സ്വന്തമാക്കി.
