റാഷിദ്‌ മാജിക്കിൽ സിമ്പാവേയെ തകർക്കുന്ന അഫ്ഗാൻ, ജയിക്കാൻ വേണ്ടത് 2 വിക്കറ്റ്, സിമ്പാവേക്ക് 73 റൺസ്, നാളെ കാത്തിരിക്കുന്നത് ത്രില്ലർ

റാഷിദ്‌ മാജിക്കിൽ സിമ്പാവേയെ തകർക്കുന്ന അഫ്ഗാൻ, ജയിക്കാൻ വേണ്ടത് 2 വിക്കറ്റ്, സിമ്പാവേക്ക് 73 റൺസ്, നാളെ കാത്തിരിക്കുന്നത് ത്രില്ലർ 

278 റൺസായിരുന്നു അഫ്ഗാൻ സിമ്പാവേക്ക് മുന്നിൽ വെച്ച വിജയലക്ഷ്യം.ബെൻ കറൻ മികച്ച രീതിയിൽ തുടക്കത്തിൽ ബാറ്റ് ചെയ്തു.പക്ഷെ കൃത്യമായ ഇടവേളകളിൽ റാഷിദ്‌ ഖാൻ വിക്കറ്റുകൾ നേടി കൊണ്ടിരുന്നു. ബെൻ കറൻ മികച്ച സ്കോറിലേക്ക് എത്തുമെന്ന് കരുതിയപ്പോൾ റാഷിദ്‌ ഖാൻ ആദ്യമായി അവതരിച്ചു.

അധികം വൈകാതെ തന്നെ ബെൻ കറൻ കൂട്ടായി നിന്ന കൈറ്റാണോയെ അബ്ദുൽ മാലിക്കിന്റെ കൈകളിൽ റാഷിദ്‌ എത്തിച്ചു. മേയെര്സും റാഷിദിന് വിക്കറ്റ് നൽകി മടങ്ങി. റാസക്ക് ഒപ്പം നായകൻ ഏർവിൻ ചേർന്നതോടെ മത്സരത്തിലേക്ക് സിമ്പാവേ തിരിച്ചു വന്നു. പക്ഷെ വീണ്ടും റാഷിദ്‌ തന്റെ സ്പിൻ മാന്ത്രികതയുമായി അവതരിച്ചു.

റാസ ഷാഹിദുള്ളക്ക് ക്യാച്ച് നൽകി മടങ്ങി.പിന്നാലെ സീൻ വില്യംസിന്റെ കുറ്റി റാഷിദ്‌ എടുത്തു. രണ്ട് പന്തുകൾക്ക് ഇപ്പുറം ബെന്നേറ്റിന്റെ കുറ്റിയും റാഷിദ്‌ തെറിപ്പിച്ചു.മത്സരത്തിൽ റാഷിദിന്റെ പത്താമത്തെ വിക്കറ്റായിരുന്നു.

പക്ഷെ നായകൻ എർവിൻ തോറ്റു കൊടുക്കാൻ ഒരുക്കമായിരുന്നില്ല. നിലവിൽ മൂന്നാം ദിവസം കളി നിർത്തുമ്പോൾ സിമ്പാവേക്ക് ജയിക്കാൻ 73 റൺസ് കൂടി വേണം.53 റൺസുമായി നായകൻ എർവിൻ ക്രീസിലുണ്ട്.